8 март белән!

Кызлар! Язның беренче һәм иң матур бәйрәме белән! Гел шундый матур, чибәр, көләч йөзле, акыллы, тәртипле булып калыгыз! Тормышларыгыз яз кояшыдай якты булсын!

"Татар, уян!" онлайн гәҗитендә 8 нче мартка бәйле язма дөнья күрде. Анда әлеге бәйрәм ислам күзлегеннән бәяләнә. Ләкин, минемчә, бу бик үк дөрес язма түгел. Мондый типтагы язмаларны бары тик фанатиклар гына яза ала. Мин 14 нче февраль - католик изгесе Валентинны искә алу көнен гашыйклар көне дип атауны һәм аны бәйрәм итүне хупламыйм, билгеле. Тик 8 март... Дини түгел, ә дөньяви бәйрәм бит бу, җәмәгать! Һәм аны яһүдиләрнең дине белән бәйләргә тырышу - гади ахмаклык! Бәйрәм бит 1857 нче елның 8 нче мартында Нью-Йорк хатын-кызларының тигез хокук өчен, авыр хезмәт шартларына һәм түбән хезмәт хакына каршы көрәшкә күтәрелүен искә алу уңаеннан 1910 елда билгеләнгән!

Мөселман туганнарым! Мин динебезне бик үк яхшы белеп бетермәсәм дә, монысын тәгаен әйтә алам: якыннарыңны, дусларыңны котлап, сөендерү гөнаһ түгел! Бәйрәм белән сезне тагын бер тапкыр, кызлар!

Комментариев нет:

Отправить комментарий